Veröldin mín

2006-04-17T19:30:00.000Z

Jæja, er eitthvað að frétta síðan síðast?

Já... ansi góð þáttaka í könnuninni hér fyrir neðan... ég er ánægð með hve margir hafa hug á að fara aftur til Eyja! Maður er bara orðinn spenntur að sjá hvernig þetta verður allt eftir 10-15 ár þegar flestur verða búnir að læra og svona! (0:

En já, lítið að gerast hjá mér nema bara að tíminn líður og það styttist hratt í prófin. Það fyrsta er 29. apríl og það síðasta verður 12. maí. Ég er bæði spennt og kvíðin. Er bara komin í upplestrar frí og ætti í þessum skrifuðu orðum að vera inni í herbergi að læra... en ég fer bara á eftir... (kannast einhver við þetta?) (0;
Ég er komin með vinnu í sumar, ég verð að vinna á leikskólanum "mínum", Maríuborg! Bíð spennt eftir að byrja! Hlakka þvílíkt til að fara að vinna aftur með Beggu og fleiri snillingum sem eru að vinna þarna. Svo ekki sé talað um börnin! Starfsfólkið er nú í þessum skrifuðu orðum úti í Búlgaríu! (Smá öfund!) Ég hefði getað farið með þeim ef ég ætti styrktaraðila sem hefði getað borgað fyrir mig! Þau buðu mér að koma með en það var bara svo seint og ég hefði þurft að borga svo mikið.. svona er lífið! En ég stefni bara á einhverja snilldarferð í haust, til Köben eða e-ð! Kemur í ljós!

En ég hef verið að velta einu fyrir mér... samgöngum á eyjuna fögru (Vestmannaeyjar fyrir þá sem ekki fatta!) eins og svo rosalega margir... og ég hef komist að þeirri niðurstöðu að ég hef ekki áhuga á að fá göng eða ferjulægi í bakkafjöru... Ég vil ekki göng vegna þess að það yrði svo langt að keyra í bæinn þá, allavega einhverjir 3 tímar eða eitthvað, og svo er þetta ekki raunhæfur kostur fyrr en eftir svo og svo mörg ár, blablabla! Ég vil ekki ferjulægi í bakkafjöru vegna þess að þá yrði einhver korktappi fenginn til að fara með okkur á milli lands og Eyja. Það er ekki að virka vel á þá sem sjóveikir eru (þó svo að leiðin sé ekki löng!) OG svo er líka soldið langt að keyra í bæinn. Það er jú þangað sem flest okkar vilja fara er það ekki? Sækja hina ýmsu þjónustu og fleira... En hvað vil ég þá? Jú, ég vil stærri og betri Herjólf, betra sjóskip með fjölbreyttari afþreyingu um borð... mér dettur svo sem ekkert í hug nema kannski internet samband eða eitthvað, það væri svo sem hægt að hafa eitthvað fleira og ég læt aðra koma með hugmyndir. Ef skipið er gott sjóskip og veltur ekki mikið eins og þessi Herjólfur gerir sem við erum með núna er hægt að bjóða upp á ýmislegt! Ég hef rætt við skipaverkfærðing (Nonna, frændi hans Jóns Helga) og hann sagði mér að það væri ekki fræðilega hægt að vera fljótari á milli lands og Eyja vegna ölduhæðar og eitthvað. Já, og ég vil líka að það verði FRÍTT í Herjólf! Þá held ég að þetta yrði bara snilld! (0;
Eruð þið ekki sammála mér?

Jæja, bækurnar bíða!

Kveðja, Guðrún bókaormur!

2006-03-23T15:41:00.000Z

Jæja, smá könnun:

Þeir sem ætla að flytja til Eyja að námi loknu rétti upp hend (Í kommenti) !!

Nú vil ég fá svar frá ÖLLUM sem skoða þessa síðu!!

Kveðja, Guðrún Eyjastelpa! (0;

2006-03-17T15:54:00.000Z

Þetta er auðvitað bara alveg frábært:

"Jóhannes Jónsson, Jón Ásgeir Jóhannesson og Kristín Jóhannesdóttir hafa gefið Barnaspítala Hringsins þrjú hundruð milljónir króna. Mun Barnaspítalinn fá 60 milljónir á ári í fimm ár frá þeim feðginum. Gjöfin verður meðal annars notuð til að auka hágæsluþjónustu á Barnaspítala Hringsins, ráða starfsfólk og þjálfa það.
Hágæsluþjónusta er stig milli almennrar legudeildar og gjörgæsludeildar og verður starfrækt í nánu samstarfi við gjörgæsludeildir Landspítala - háskólasjúkrahúss. Undanfarna mánuði hafa verið kannaðir möguleikar á því að efla hágæsluþjónustu innan Barnaspítala Hringsins enda sífellt veikari börn sem dvelja á deildum hans. Hágæsla þarf því að vera meiri þegar álag er mest og nauðsyn krefur. Ekki þarf að stofna nýja deild þar sem góð aðstaða er á barnaspítalanum. Öflug hágæsluþjónusta á Barnaspítala Hringsins eykur enn frekar öryggi veikustu barnanna, að því er fram kemur í fréttatilkynningu frá Landspítala - háskólasjúkrahúsi."

(tekið af mbl.is, 17. mars 2006)

Ég tek ofan fyrir svona fólki! Maður fær bara næstum gæsahúð og tár í augun og allt! Það eru sko ekki allir sem myndu gera svona sem eiga peninga!

En hvernig ætli það sé svo... þarf ekki spítalinn að borga skatta af þessu og e-ð, kæmi mér ekki á óvart!! Þó að þeir séu búnir að hirða skatta af þessum peningum oft áður! En ég er að vísu ekki með þetta á hreinu svo ég ætla ekki að fara út í þennan pakka!! (0;

Jæja, er búin í verknáminu og er núna að gera verkefni tengt því! Alveg ágætt nema ég nenni ekki að leita af heimildum... Er bara ekki alveg með það á hreinu hvernig ég á að ganga frá þessu og um hvað á að finna heimildir... orðið ansi langt síðan ég gerði heimildaritgerð síðast! Þetta skýrist vonandi þegar ég verð komin almennilega í gang með þetta. Ritgerðin má samt ekki vera meira en 6 bls. með tvöföldu línubil... ég gæti sko skrifað alveg örugglega einhverjar 10-12 síður.

Svo er IDOLIÐ í kvöld, Jón Helgi er að fara á eitthvað Pink Floyd kvöld svo ég ætlaði að bjóða vinkonunum að koma og horfa á það með mér þar sem að fæstar þeirra eru með stöð tvö og ég nennti ekki að horfa á þetta ein... en það kom bara í ljós að það komst engin! Gengur kannski betur næst!

Jæja, ætla að halda áfram með verkefnið!

Bið að heilsa í bil...

2006-03-15T13:07:00.000Z

Smá pirringskast!!

Sko, þegar ég skrifaði síðasta blogg þá hrundi bloggið þegar ég var búin að setja það inn og síðan var alveg auð! Svo náði Andri Húgó að redda þessu, en gat bara gert hana eins og hún var alveg upprunalega, svo fór ég inn á template changes og breytti öllum heimasíðunum sem eru úreltar og bætti inn nýjum og e-ð, gerði svo save template changes og þurfti að rjúka út. Svo þegar ég kíkti næst þá hafði EKKERT breyst!! Oohh..!! Þetta er það leiðinlegasta við þessa heimasíðu það er að vesenast í þessu heimasíðu- tengla dóti! Allt of mikið vesen!

Svo er það annað, af hverju í andsxxxxum gefur fólk ekki stefnuljós hérna í Reykjavík!! Sérstaklega ekki þegar það er að fara útúr hringtorgi! Ég gjörsamlega þoli það ekki þegar mar þarf alveg að stoppa, og svo beygir fólk þannig útúr hringtorginu að mar hefði alveg getað haldið áfram EF manneskjan hefði hunskast til að gefa stefnuljós!! Þvílíkt tillitsleysi!!

Og eitt enn! Þetta bensínverð er komið uppúr öllu valdi!! Og það bara hækkar og hækkar! Ég var á leiðinni að taka bensín í gær, og af því að ég gerði það ekki fyrr en um kl 11 í gærkvöldi þá var líterinn kominn í rúmar 111 krónur, en var rúmar 110 eða e-ð fyrr um daginn!! Og Íslendingar láta bara ríxx sér í rxxxgatið og halda kjafti! Það vantar all hörku þegar kemur að einhverju svona! Það þýðir ekkert að fara með e-r spjöld niður í bæ! Það þarf bara að GERA eitthvað róttækt!! Tökum frakkana sem fyrirmyndir í þessum efnum! Svo er bara verðlag á Íslandi MJÖG hátt þegar litið er á alla hluti! Mar þarf næstum að leggja fyrir ákveðinn pening á mánuði ef mar ætlar að kaupa sér almennilega eða flotta skó! Ég bara vil ekki styðja svona rassarxxxxxar og er að spá í að panta mér ferð til Köben í Ágúst bara til að versla á "sanngjörnu" verði!

Jæja, ég var nú með e-ð meira sem ég var að pirrast yfir... en ég var svo lengi að skrifa þetta að eg er búin að gleyma því!! Ég set það bara inn seinna!

(Þetta blogg ætti kannski meira heima á síðunni hjá hvítu voninni! Hehe...)

Jæja, bið að heilsa í bili!

2006-03-12T22:52:00.000Z

Jæja... Ég nenni varla að skrifa neinar fréttir... enda held ég að það sé ekki mikið að frétta. Hmm.. Ég er bara í skólanum og Jón Helgi að vinna... ég er reyndar líka að vinna e-ð, eitt kvöld í viku í sjoppunni og 4 klst. annan hvern laugardag og svo er ég að skúra í u.þ.b. 1 klst. á dag á leikskólanum mínum, Maríuborg. Ég verð líka að vinna þar í sumar og ég hlakka þvílíkt til, alger snilld að vera að vinna á leikskóla á sumrin. Tala nú ekki um ef það er gott veður! Ahh... Verð auðvitað líka að vinna í sjoppunni, það er ágætt með. (0;

Já, ég er búin með 5 daga af 7 í verknáminu mínu... get ekki sagt að ég hafi mikið kynnst störfum hjúkrunarfræðings.. er bara búin að vera að vinna með sjúkraliðum og ófaglærðum við að skipta á rúmum, skipta á bleyjum á gamla fólkinu, hjálpa því á klósettið og þvo því að neðan! Sé varla hjúkrunarfræðinginn nema á göngunum og í rapporti! Æ, ég veit svosem að ég þarf að kunna þetta... en skil samt eilega ekki alveg af hverju... Hjúkrunarfræðingurinn er meira að sjá um lyfin, skipta á sárum, taka þvag- og saurprufur og hafa yfirumsjón yfir deildinni... Jæja, ég skil þetta örugglega einhverntíman seinna!!

En já, ég er búin að vera að deyja úr hlátri yfir hérna nokkrum vídeó- klippum:

http://www.b2.is/?sida=tengill&id=151593

og

http://www.b2.is/?sida=tengill&id=151766

og

http://www.metacafe.com/watch/72008/video/

Þetta er snilld!!

Jæja, ég held ég láti þetta duga í bili...

Bless í bili...

Tékklisti

2006-02-27T21:37:00.000Z

Sá þetta á einhverri síðu, ákvað að setja þetta hérna inn!

( ) klesst bíl vinar/vinkonu
( ) stolið bíl (foreldranna)
(X) verið ástfangin/n
( ) verið sagt upp af kærasta/kærustu
(X) verið rekin/n (Því miður!)
( ) lent í slagsmálum
( ) læðst út meðan þú bjóst ennþá heima hjá foreldrunum
(X) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(X) logið að vini/vinkonu (ekkert alvarlegt sko!)
(X) skrópað í skólanum
( ) horft á einhvern deyja
( ) farið til Canada
( ) farið til Mexico
(X) ferðast í flugvél
( ) kveikt í þér viljandi
( ) skorið þig viljandi
( ) borðað sushi
( ) farið á sjóskíði
(X) farið á skíði (sem sagt í snjó)
( ) hitt einhvern sem þú kynntist á internetinu
( ) farið á tónleika
(X) tekið verkjalyf
(X) elskar einhvern eða saknar einhvers akkurat núna
(X) legið á bakinu úti og horft á skýin
(X) búið til snjóengil
(X) haldið kaffiboð
(X) flogið flugdreka
(X) byggt sandkastala
(X) hoppað í pollum
(X) farið í "tískuleik" (dress up)(aðallega með þykjustu fötum!)
( ) hoppað í laufblaðahrúgu (Of amrískt e-ð)
(X) rennt þér á sleða
(X) svindlað í leik
(X) verið einmana
( ) sofnað í vinnunni/skólanum
( ) notað falsað skilríki
(X) horft á sólarlagið (ekki kannski alveg allan tíman sem það er!!)
(X) fundið jarðskjálfta
(X) sofið undir berum himni (Er ekki tekið með í tjaldi?)
(X) verið kitluð/kitlaður
( ) verið rænd/rændur
(X) verið misskilin/n
( ) klappað hreindýri/geit/kengúru
(X) farið yfir á rauðu ljósi/virt stöðvunaskyldu að vettugi
( ) verið rekin/n eða vísað úr skóla
( ) lent í bílslysi
(X) verið með spangir/góm
(X) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi
( ) dansað í tunglskininu
(X) fundist þú líta vel út
( ) verið vitni að glæp
(X) efast um að hjartað segði þér rétt til
( ) verið gagntekin/n af post-it miðum (þið vitið - þessum gulu)
( ) leikið þér berfætt/ur í drullunni
(X) verið týnd/ur
(X) synt í sjónum
( ) fundist þú vera að deyja
(X) grátið þig í svefn
(X) farið í löggu og bófa leik
( ) litað nýlega með vaxlitum
(X) sungið í karaókí
( ) borgað fyrir máltíð eingöngu með smápeningum (við erum að tala um krónur, fimmkalla og tíkalla hérna)
(X) gert eitthvað sem þú lofaðir sjálfri/sjálfum þér að gera ekki
(X) hringt símahrekk (allavega hjálpað til við að velja símanúmerið!)
(X) hlegið þannig að gosið frussaðist út um nefið á þér
(X) stungið út tungunni til að ná snjókorni
(X) dansað í rigningunni
(X) skrifað bréf til jólasveinsins
( ) verið kysst/ur undir mistilteini (gerist bara í bíómyndum)
( ) horft á sólarupprásina með einhverjum sem þér þykir vænt um (Er yfirleitt sofandi á þeim tíma!)
(X) blásið sápukúlur (Bara síðasta sumar, rosa stuð!)
( ) kveikt bál á ströndinni! (púff, of amrískt e-ð)
( ) komið óboðin/n í partý
( ) verið beðin/n um að yfirgefa partýið sem þú komst óboðin/n í
(X) farið á rúlluskauta/línuskauta (Bæði!)
(X) hefur einhver óska þinna ræst
( ) farið í fallhlífastökk
( ) hefur einhver haldið óvænt boð fyrir þig
( ) gert þig af þvílíku fífli fyrir framan fullt af fólki
( ) kysst einhvern af sama kyni (sonna meiri en mömmu koss)
( ) farið nakin í sund
( ) rennt þér á grasinu á snjóþotu
( ) verið sett í þvílíkt straff
( ) logið fyrir vini þína
( ) liðið yfir þig
(X) fengið sms frá einhverjum sem þú veist ekkert hver er og byrjað að spjalla við manneskjuna
(X) eyðilagt eitthvað sem vinur þinn átti ;0(

Jæja... Finnst þetta bara ágætt í bili... Kannski koma fréttir fljótlega... ef það er e-ð að frétta!

Bið að heilsa í bili!

2005-12-23T00:44:00.000Z

Jæja, þetta verður síðasta færslan mín... allavega á þessu ári þar sem ég er að fara til Eyja á morgun og verð fram yfir þrettánda býst ég við. Þar sem ég gisti hjá ömmu minni þá verð ég ekki með tölvu við höndina og hvað þá internet! (0;

En já, ég er búin í prófunum... gekk svona.. ásættanlega held ég. Kemur í ljós í kringum 10. janúar 2006! Ég ætla bara að REYNA að salta þetta þangað til, þ.e. reyna að gleyma þessu! Svo er maður bara búinn að vera á harðahlaupum og með allt á síðasta snúningi og bara vona að ég hafi ekki gleymt neinum eða neinu... Alveg merkilegt að maður dettur í þessa gryfju ár eftir ár að vera á síðasta snúning korter fyrir jól með allt saman... svo segir maður alltaf svona 19. des.: "þessu ætla ég ekki að lenda í fyrir jólin á næsta ári!" En svo endurtekur sagan sig!! Klukkan er til dæmis núna að slá í eitt á aðfararnótt Þorláksmessu og ég er svona rétt að leggja lokahönd á það sem þarf að gera áður en ég legg af stað... en er ekki byrjuð að pakka niður!! Jæja, ég segi bara og skrifa, Gleðileg jól allir saman, hafið það nú bara sem allra, allra best yfir hátíðirnar!!! Hittumst vonandi hress á nýja árinu!

Jóla- og nýárskveðjur
Guðrún María!

2005-12-10T16:21:00.000Z

Jæja, jæja... Það hafa allnokkrir fallið í gildruna hér fyrir neðan! Hehe! Þið megið hætta núna! Þetta er bara brella! (0; Fyrirgefiði!

En já, það er laugardagur og ég er að fara í próf á mánudag! Það eru næstum 2 möppur af glósum sem ég þarf að fara í gegnum auk verkefna úr 20 köflum eða eitthvað... frekar mikið efni! Vona samt að ég komist nú almennilega yfir þetta allt saman svo ég lendi ekki í því sama og ég lenti í á fimmtudaginn! Náði ekki að fara almennilega yfir allt efnið svo mér fannst ég nú ekki eiga neitt erindi í þetta próf... það var hræðileg tilfinning. En ég hugsaði bara: "Þá veit ég allavega við hverju ég á að búast á næsta ári þegar ég þarf að fara í gegnum þessi samkeppnispróf aftur!" Alltaf að reyna að finna björtu hliðarnar! En já... ég held nú samt að mér hafi nú bara gengið betur en ég þorði að vona... en það þarf samt ekkert að vera rétt hjá mér. Kemur í ljós í kringum 10. janúar 2006!

Allavega,ég horfði á krýninguna á Miss World 2005 áðan. Ég hafði það á tilfinningunni að fyrst að Unnur Birna komst í topp 15 að þá myndi hún vinna! Og það reyndist rétt! Flott hjá henni stelpunni. Maður fékk alveg gæsahúð! (0;

En já, ætla að fara að drífa mig að læra meira um sýru og basa hvörf og sitthvað fleira efnafræði tengt!!! Jibbý!

Bið að heilsa

2005-12-04T14:17:00.000Z

Þetta er sniðugt!! Klikkaðu á linkinn hér fyrir neðan og athugaðu hvort að sá eða sú sem þú ert skotin í sé "the one" Hehe.. Ferlega einfalt og vonandi áreiðanlegt! (0;

http://www.crushcalculator.com/content/love/189167573

Já, það er ýmislegt sem maður fer að gera í staðinn fyrir að lesa fyrir próf!!

Bið að heilsa í bili!!

Lærlærilæri!!

2005-12-02T12:00:00.000Z

Jæja jæja... þá sér maður bara fram á próf, prófaundirbúning, lestur fram á kvöld og svona skemmtilegheit... Fer í fyrsta lokaprófið á mánudaginn og ég get ekki sagt að ég hlakki til.. en ég er ekki heldur farin að kvíða fyrir.. ennþá! En ég get ekki beðið eftir 16. des! Þá er síðasta prófið og þá verður maður loksins frjáls eins og fuglinn... allavega þangað til daginn eftir, þá fer ég að vinna! Hehe.... Fer svo HEIM til Eyja á Þorláksmessu og það verður snilld að fara að rölta í bænum heima á Þorláksmessukvöld, ahh.. Ég, mamma og amma verðum 3 um jólin og svo fer mamma og Jón Helgi kemur til að vera yfir áramótin! Geggjað stuð!

En jæja, ekki búast við meira bloggi þangað til ég verð búin í prófum að minnsta kosti!

Gangi mér vel!! (0;

Bið að heilsa í bili...

2005-11-18T20:27:00.000Z

Vá, hafið þið séð þetta:

http://glennferon.com/portfolio1/index.html

Þetta er ótrúlegt!! Ég vissi að myndir af svona skvísum væru fótósjoppaðar en VÁ!!

En allavega... Já ég er búin í þessu hlutaprófi í félagsfræði, það eru kannski einhverjir að velta því fyrir sér. Maður veit það aldrei hvernig manni gengur í svona krossaprófi sem er dregið niður fyrir rangan... hef það á tilfinningunni að mér hafi gengið aðeins betur er síðast en það kemur bara í ljós eftir helgi!! Ég bíð spennt allavega, ekki kvíðin! (0: Nú er bara að taka geðveikina á þetta og vera geggjað dugleg að læra svo ég hafi tíma til að gera heimilið tibúið fyrir jólin, skrifa jólakortin og KANNSKI baka eina sort um næstu helgi!! Get ekki beðið!!

Jæja, ætla að fara að horfa á IDOL!!

Góða helgi!!

2005-11-16T11:27:00.000Z

Stjórnmálaþurs

Þú ert vanaföst, tilfinningarík félagsvera.
Í margmenni á stjórnmálaþursinn oftar en ekki orðið. Ef einhver hyggst grípa fram í fyrir honum talar hann bara hærra - og það virkar. Hann hefur sterkar skoðanir á flestu, hvort sem um er að ræða fjárlagahalla ríkisins eða það hvort SS eða Goða pylsur eru betri, og gerir hvað hann getur til að þröngva þeim upp á aðra. Stjórnmálaþursinn þarf að passa sig þegar hann er í nærveru þeirra sem eru ósammála honum því blóðþrýstingurinn á það til að rjúka upp.

Stjórnmálaþursinn vantar ekki nýja skó fyrr en það er komið gat á þá gömlu... sem skósmiðurinn segist ekki geta gert við. Stjórnmálaþursinn veit hvar Guðsteinn er með verslun.

Hvaða tröll ert þú?

Vá! Þetta passar bara engan vegin við mig!! Bara ekkert!! Það er nú líka ágætt, þetta er nú kannski ekki eftirsóknarverðasta tröllið!!

2005-11-15T20:25:00.000Z

STUNDUM vildi ég óska þess að ég væri bara köttur.... ja... kötturinn minn allavega. Væri kannski ekki alveg til í að vera á heimili þar sem verið væri að tosa í skottið á mér allan liðlangan daginn! Þetta lítur út fyrir að vera svo ósköp þægilegt líf... engin próf, þarft aldrei að vaska upp, þvo þvott eða gera nokkurn skapaðan hlut... Veit alveg að þetta yrði leiðinlegt til lengdar... en í augnablikinu væri ég til í að vera köttur... og kannski svona fram til hádegis þann 16. des. næstkomandi!! Mjá! Sjáumst þá!!

Strætó

2005-11-01T19:55:00.000Z

Heil og sæl!!

Ég er farin að nota strætó talsvert... sem er ekkert annað en snilld. Bara einn strætó heiman frá mér og upp í Háskólabíó, þarf að vísu að labba smá spotta en það er bara allt í lagi. Svo þarf maður aldrei að skafa og hann er alltaf heitur þegar maður kemur inn í hann, sem er mjög gott!! Nema það að ég hef tekið efti því að þegar ég er á leið heim eftir skóla þá er fólk annað hvort að draga ýsur í strætó eða bara hreinlega sofandi... og þar á meðal ég!! Þetta er náttúrulega ekki sniðugt! Ég sá meðal annars fullorðna konu um daginn og hún steinsvaf! Var bara hreinlega heppin að missa ekki af stoppistöðinni sinni... En já, ég held að það séu tvær mögulegar skýringar á þessu...
a) Það er verið að dæla róandi gasi um strætisvagninn í gegnum loftræstikerfið sem strætisvagnabílstjórinn er ónæmur fyrir af einhverjum orsökum
eða
b)Stressið og álagið á öllu og öllum er svo mikið að fólk er bara að sligast undan því...

Hvað haldið þið?

2005-10-30T00:07:00.000Z

Díses mar...

Ég er búin að vera að velta því fyrir mér í allt kvöld hvort ég eigi að læra e-ð smá eða taka svoldið til.... svo nú er komið miðnætti og ég hef hvorugt gert!! Helv... tímaþjófur þessa tölva!!!! Svo finnst manni e-ð svo asnalegt að fara að byrja að læra eða byrja að taka til þegar komið er fram að miðnætti á laugardagskvöldi... eruð þið ekki sammála því?? Eða er það bara útbreiddur misskilningur?? hehe...
Já, annars er Jón Helgi á Lokahófi hjá Dufþak (utandeildarknattspyrnuliðið sem hann er búinn að vera að spila með) svo að ég var líka að spá í að taka einhverja geggjaða stelpumynd og kaupa e-ð nammi sem ég get ekki keypt þegar við erum bæði að fá okkur... en svo fann ég enga mynd í sjoppunni sem mig langaði að sjá, þannig að ég keypti e-ð smá nammi... kom heim lærði smá og eyddi svo restinni af kvöldinu í að reyna að ákveða í hvað ég ætti að eyða því!!! Hvurslags vitleysa er þetta eiginlega???

Jæja, það er aldrei að vita hvað mér dettur í hug núna... ætti auðvitað bara að fara að sofa, er hvort eð er ekki að gera neitt að viti nema að eyða tíma... æi... veit ekki...

Húff...

2005-10-27T12:46:00.000Z

jæja, jæja!!

Þá er komið að því að segja í stuttu máli frá síðastliðinni helgi (þó að sú næsta sé bara rétt handan við hornið)!!

Ég semsagt fór samferða mömmu í Herjólfi (var samt á mínum bíl því hún kom jú frá Hellu) um kvöldið á fimmtudeginum! Gerði ekkert þegar ég kom til ömmu nema fá mér köku sem hún var búin að baka handa okku þessi elska og fór svo að sofa um miðnætti! Vaknaði svo um 9 leitið á föstudeginum og við mamma fórum e-ð í bæinn og sonna, amma var að vinna... En eftir hádegið þá fórum við og tókum til hendinni í Foldahrauninu!! Fórum að klára að pakka niður og svo þegar fór að líða á daginn þá fór ég niðrí geymslu og tók til í draslinu mínu þar og henti og henti og henti því ég nennti ekki að fá þetta allt í mína geymslu... en ég kom nú samt með eitthvað!! Gat ekki hendt skóladótinu og e-ð... svo um kvöldið þá fór ég e-ð að rúnta með Hildi sólveigu, við fórum á Kaffi Drífanda (ottólínu...) og svo á Conero en það var svo sem ekkert í gangi... við vorum meira að segja einu stelpurnar/konurnar á Conero!! Svo að við fórum bara heim, fundum ekkert stuð...
Á laugardeginum var dagurinn tekinn snemma, fór beint í foldahraunið að klára að pakka niður og fórum svo að bera allt dótið (mitt og mömmu) út í bíl og hestakerru sem mamma var með í láni. Það gekk líka svona ljómandi vel með dyggri aðstoð að við vorum búnar að ÖLLU kl18:40 þann dag, meira að segja þrífa allt! Þá fórum við í kjötsúpu til Ástu, systir ömmu, og eftir það var ekkert annað eftir en að fara að hafa sig til fyrir SÁLINA!!!!!

Við Hildur höfðum okkur til saman og náðum svo í Mörtu áður en við fórum á ballið, vorum mættar e-ð rétt fyrir eitt og það var bara alveg slatti mættur! Þeir byrjuðu að spila kl. 1 um það bil og ballið stóð til 4 með hléum!! Og það var GEÐVEIKT!!!!!! Mjög langt síðan ég skemmti mér svona vel!! Kannski bara á þjóðhátíð... þó það virki kannski ekki svo langt síðan...

En já, annars er búið að vera svo helvíti mikið að gera í skólanum (afsakið orðbragðið ehemm... ) að ég hef nánast ekki tíma til neins finnst mér... Var nottla í Eyjum og gat ekkert lært þar og e-ð.. en svo eru fréttir... Við fórum á mánudaginn og keyptum okkur nýtt rúm!!!! Og það er svo geggjað að ég er 2 sinnum búin að sofa yfir mig á jafnmörgum dögum!!! Hehe ... Það er svo frábært að getað sofið alla nóttina án þess að vakna við það að maður er e-ð að rekast utan í Jón Helga eða að hann sé að biðja mig um að snúa mér og e-ð bull!! Ahhh....

Jæja, ætla að láta þetta gott heita!!
Bless í bili...

2005-10-20T16:21:00.000Z

Jæja, jæja!!

Þá er fimmtudagur runninn upp og ég er að fara að pakka niður ballskónum (ásamt fleiru)! Legg af stað (í ævintýraferð) kl. 18:15 að staðartíma! ;)

Annars er það að frétta að ég er búin að taka mitt fyrsta próf Háskóla Íslands og standast það! ;) Ég er búin að sannfæra sjálfa mig um það að útkoman hafi nú bara verið alveg ágæt þrátt fyrir að talan hafi verið lægri en ég á að venjast!!

Hmm... Annars gengur lífið bara sinn vanagang, ég gæti lært útí eitt ef ég hefði ekkert annað að gera... Þetta væri alveg ágætt ef maður byggi bara hjá mömmu og e-ð... þyrfti ekkert endilega að þvo þvott og vaska upp ef maður hefði ekki tíma... Þó maður myndi nú örugglega gera e-ð af því... En já, svona er þetta bara, hefur sína kosti og galla!

Að vísu er eitt við þennan skóla... ég sit á öðrum bekk og það er alltaf hópur af stelpum fyrir framan mig og þær eru ALLAR með tölvu og þær eru ALLAR að gera e-ð annað í tímum en að glósa! Þoli það ekki! Þær eru endalaust að skoða einhverjar myndir, blogg, videoklippur og ýmislegt, og ég e-n veginn festist alltaf í að vera að fylgjast e-ð með þessu! Þó ég vilji það ekki! Þetta er bara í sjónlínunni og þegar maður er kannski ekki með 100% áhuga og 100% einbeitingu (t.d. í félagsfræði!) þá er mjög auðvelt að gleyma sér við að horfa yfir axlirnar á þessum stelpum!

Annars hef ég lítið meira að segja í bili nema bara góða helgi!!

Eyjar

2005-09-24T13:42:00.000Z

Hæ hó!!

Ég er með hugmynd!! Það væri geggjað ef við allar vinkonurnar myndum reyna að fara til Eyja helgina í kringum 22. okt.!! Ég held að það sé Sálar ball þá!! Það væri geggjað ef við kæmumst allar og ég legg til að við skoðum allar okkar mál og reynum að gera okkar besta í að reyna að komast!! Sálin í Höllinni... það er ekkert skemmtilegra!! Hvað segið þið?

2005-09-22T20:58:00.000Z

Sælinú!

Ég var að enda við að horfa á fyrsta íslenska Bachelor þáttinn... hmm... Hvað finnst ykkur? Það á bara eftir að vera gaman að fylgjast með þessu!! hlægja að þessari "vitleysu"!

En já, annars er nú ekki mikið í fréttum. Er bara í skólanum og að læra... lítið annað um að vera þessa dagana. Er að fara að vinna aukavakt á laugardagskvöldið. Er svo mjög líklega að fara til Eyja um aðra helgi, sennilega bæði í Curator ferð (með nemendafélaginu) og líka til að hjálpa mömmu að losa íbúðina sína. Jebb, hún ætlar að losa hana og finna sér aðra... á HELLU! En ég á ennþá e-ð drasl þarna þannig að mar er skyldugur til að fara að hjálpa, er þa´kki?

Bið að heilsa í bili!!

Klukkuð

2005-09-19T18:36:00.000Z

Heil og sæl!

Ég var semsagt klukkuð af mínum yndislega kærasta... Þarf því að segja 5 tilgangslausar staðreyndir um sjálfa mig, og klukka svo einhverja 5 aðra!
Hmmm...

1. Ég borða Mars súkkulaði bara einu sinni á ári, (við sérstök tilefni) stundum ekki einu sinni svo oft!

2. Ég elska að gera eitthvað sem ber árangur!

3. Minn draumur er að byggja mér hús í framtíðinni!

4. Ég var að eignast mitt fyrsta sléttujárn í gær!

5. Ég er stolt af því að eiga mitt eigið heimili og elska að gera eitthvað fyrir það!!

Húff, þetta var ekki svo erfitt. En ég ætla semsagt að klukka Eygló, Steinunni, Mattý, Gunna fóstru og Hörpu vinkonu! Híhí...

Ég ætla að láta þetta nægja í bili, kem kannski með fréttir þegar fer að líða á vikuna!

Adíos amigos!!

Lærupása og tímaleysi!!

2005-09-15T14:26:00.000Z

Góðan dag góðir hálsar!!

Ég er hér í "fríi" heima (alltaf á fimmtudögum) og ég tók mér Lærupásu. Eitthvað sem þekktist bara í prófalestri í FÍV! Húff! Er búin að sitja sveitt við að leysa dæmin úr 9. kafla í lífefnafræði bókinni minni og reyna að upphugsa frábæra leið til að læra öll nýju heitinn í líffærafræðinni!! Ekki misskilja mig, mér finnst þetta gaman þó að mörgum finnist þetta kannski frekar óspennandi! Líffærafræðin var eina af aðalástæðunum fyrir því að ég fór í þetta nám! ;0)

En ég hef áttað mig á því að 90 mínútur eru ekki eins langar hér á höfuðborgar-svæðinu eins og á eyjunni fögru í suðri! Ég er búin í fyrirlestrum kl. 16:30 á daginn, og sæki Jón Helga vanalega kl. 18:00 ef ég er á bílnum eins og ég hef verið undanfarið. Þarna eru 90 mínútur á milli og ég get alveg óskaplega lítið gert á þeim tíma. Ég er ekki alltaf að sækja hann á sama stað en ef hann er einhversstaðar nálægt Bónus eða Krónunni, þá kíki ég þangað inn og versla í matinn... en annars er voðalega lítið hægt að gera á þessum tíma. Maður er svo lengi á milli staða, á þessum tíma dags sérstaklega, og ekki er bensínið ódýrt (helv... djö.... andsk....)!! Þannig að ég hef ákveðið að fjárfesta í Strætókorti... tek kannski bílinn í Ógeðisveðrum nóvember og e-ð en ætla annars að reyna að nota strætó soldið. (0:

En jæja, ég ætla ekki að eyða allri lærupásunni í þetta bull! Er líka að láta mig hlakka til þangað til á morgun, þegar ég og Elva ætlum að bjóða Hildi í mat, vídeó og dulbúið grænmeti með öllu tilheyrandi!! Get ekki beðið en því miður þá kemst Marta ekki!

Allavega, bið að heilsa í bili!!

2005-09-09T11:07:00.000Z

Hæbb!

Nú er vika búin af skólanum og ég er nú þegar búin að prenta út hálffulla möppu af glósum, læra jafn mikið í lífefnafræði og ég gerði 2mánuðum í FÍV (hef varla undan að dusta rykið af því sem ég kann) og dragast aðeins afturúr með lestur! Hvernig er þetta hægt? Til dæmis lífefnafræðikennarinn, hún er gjörsamlega með munnræpu í 90 mín! Hún talar ekkert smá hratt. En hún er góður kennari, hún má eiga það og glósurnar eru góðar. Sem bætir aðeins upp fyrir þetta! Líffærafræði kennarinn, hún er fín, góðar glósur og róleg. En því miður hef ég heyrt að hún sé voða fölsk. Segist bara ætla að spyrja um þetta og hitt á prófi, en gerir svo bara eitthvað allt annað... Á erfitt með að trúa því, en... Maður verður bara að vera við öllu búinn! Sálfræði kennarinn minn er snillingur! Hann segir að við eigum bara að hlusta á hann í tímum og skrifa bara niður það sem hann segir að við eigum að skrifa niður, þ.e. það sem spurt verður um á prófi. Segir bara að við eigum að leggja áhersluna á "leiðinlegu" fögin eins og hann orðaði það (lífefnafræði og líffærafræði) og láta sálfræðina sitja á hakanum. Svo er það hann Dr. Rúnar Something! Hann er að kenna Félagsfræði! Húff! Ég er fegin að ég er bara með einn svona kennara eins og hann er! Ógeðslega stífur e-ð og neitar algerlega að gefa upp það sem hann leggur áherslu á! Það þýðir ekkert að spyrja hann hvort hann komi til með að spyrja um þetta eða hitt... hann bara getur ómögulega svarað slíkum spurningum. Ég er ekki alveg að fíla hann og því miður ekki námsefnið né glósurnar hans! Þannig að þetta gæti orðið erfiður kúrs!

Jæja, ég er í "fríi´" í dag... á nottla að vera að læra, og ég er að fara að gera það!

Svo er fyrsta Vísindaferðin í kvöld, farið verður á Skógabæ og svo niðrá Pravda... En þegar þangað er komið einhvern tíman milli 8 og 9 í kvöld, þá ætla ég að láta ná í mig og fara í grillpartý með gömlu starfsfélögunum á Leikskólanum. Það verður voða gaman! Svo á morgun þá er ég að fara að passa Mikael, nánar tiltekið kl. 8 í fyrramálið! húff! Æi, hann er svo góður greyið! Þetta verður bara gaman!

Bið að heilsa í bili!!

2005-09-06T09:43:00.000Z

Góðan daginn gott fólk!!
Ég er heima og á að vera að læra... en þar sem að félagsfræðin er svo andsk.... leiðinleg þá bara ætla ég að bíða aðeins með hana! Þarf líka að fara í sjónmælingu, þegar ég er búin að lesa svona 10 bls. þá fara allir stafirnir að renna saman og ég sé ekki orðin! Ekki sniðugt þegar maður þarf að lesa soldið mikið meira en 10 bls. á dag!

En já, annars er voða lítið að frétta svosem... ég er enn að reyna að púsla saman vikunni þannig að ég geti lært alveg fullt, og séð um heimilið að einhverju leiti og verið að æfa í World Class og eytt tíma með Jóni Helga og hitt vini og vandamenn!! Húff, hvernig er þetta gert? Ég bara spyr? Ég er nú yfirleitt talin frekar skipulögð manneskja en ég get ekki séð að ég geti skipulagt allt þetta!! Ef einhver er með ráð handa mér endilega látið mig vita! Takk!

Jæja, ætla að fara að snúa mér að öðru hérna heima! Bið að heilsa í bili!

2005-09-03T16:27:00.000Z

Góðan dag allir saman!

Má til með að segja ykkur að ég er formlega byrjuð í skólanum. Byrjaði í gær, fór í 2 fyrirlestra í sal 3 í Háskólabíói. Fyrst í Lífefnafræði og svo í Sálarfræði. Mér líst bara vel á þetta og báðir kennararnir komu vel fyrir, bæði voða hress og lífleg. Sem er mjög gott, það er mikilvægt að hafa kennara sem maður kann við! Þannig að ég er bara spennt fyrir framhaldinu.

Já, og svo eru breytingar... Mamma gamla er að fara að flytja frá Eyjum og upp á Hellu, er búin að fá vinnu í Eldhúsinu á elliheimilinu Lundi þar! Mér finnst þetta voða spennó, þá getur maður bara keyrt og heimsótt hana og komið til baka sama dag og allt. En hún ætlar að halda íbúðinni heima í Eyjum e-ð áfram þannig að við getum gist þar alveg ef að við erum á ferðinni.

Jæja, ætla að láta þetta nægja í bili!

Bæjó spæjó

2005-08-23T18:33:00.000Z

well hello there!!

Jæja, nú er komin vika síðan síðast og ég er orðin ári eldri en síðast!! That´s right, ég átti afmæli á fimmtudaginn var, þann 18. ágúst fyrir þá sem ekki vita eða muna! Takk allir sem hringdu eða sendu sms og takk æðislega allir sem komu!! Og þar á meðal eru mamma og amma sem komu alveg óvænt um kvöldmatarleitið!! ég hef aldrei verið eins glöð á ævi minni held ég bara. Ég vissi ekki meir þegar hurðin opnaðist og ein rödd eða tvær sungu afmælissönginn! Ég sá ekki strax hverjar þetta voru en miðað við svipinn á Eddu, konunni hans Rúnars pabba þá gat þetta alveg eins verið jólasveinninn eða páskakanína!! Það vissi enginn neitt!!Geggjað! Þær flugu bara á bakka kl. 16 og "stálu" bíl og keyrðu í bæinn! húff... En já, það voru fleiri sem komu eins og pabbi og Gréta og allir krakkarnir, Rúnar pabbi, Edda og stelpurnar, og nottla bumbubúinn, Þura, Gísli, Elín Helga, Tryggvi Gunn (kom með Gísla) og já, held að það sé upptalið... afsakið ef ég er að gleyma einhverjum. Jón Helgi kom voða lítið, var ansi upptekinn þennan dag, vinna, kaupa afmælisgjöf og svo keppa um kvöldið. En daginn eftir þá fór ég í sónar með Rúnari pabba og Eddu, var að skoða bumbubúann sem ég er að vona að sé strákur í þetta sinn. Þau eiga nú tvær stelpur (eilega 3) og það væri gaman fyrir pabba að fá einn strák og Eddu líka auðvitað! ;0) En allavega þetta var voða gaman!

Um kvöldið þá fórum við Jón Helgi út að borða á Rauðará. Það var alveg geggjað, góð þjónusta, góður matur, gott verð og geggjað kósý staður! Mjög gott kvöld. Kíktum í heimleiðinni á mömmu hans og pabba og það var bara gaman!

Á laugardaginn kom Mattý til mín eftir vinnu og við fórum svo í PIZZU-hitting hjá Aldísi systur hennar Eyglóar. Það var nottla menningarnótt svo að við röltum svo niðrí bæ, við 6. mann, og kíktum á tónleikana á hafnarbakkanum, það var ágætt. Við Mattý ætluðum bara aðeins að rölta og fara svo heim... en það endaði öðruvísi! Við og Eygló, Smári og Anna Gyða fórum á Sálina á NASA!! Það var bara mjög fínt. Ansi troðið að vísu en samt allt í lagi. Þetta var mjög óvænt, ég var bara í regnjakkanum mínum og peysu en var samt sem betur fer í ágætis bol innanundir sem ég gat verið á! Já, svo þegar við ákváðum að fara heim þá röltum við samferða Eygló, en þetta var einskonar kveðjukvöld fyrir hana... Eygló nebbla FLUTTI til Svíþjóðar í gær, mánudag! Er að fara í skóla þar þessa önn (sem betur fer ekki fleiri annir í bili allavega). Hún verður í Stokkhólmi ásamt Jesper! ;0)

Á Sunnudeginum fórum við Mattý þegar við vöknuðum, í Smáralindina! (Hún gisti nebbla hjá okkur, voða gaman!) Þetta var mjög góð ferð í Smáralind. Ég fór með 6000 kr sem var restin af afmælispeningnum mínum frá Pabba og Grétu, og gat keypt mér 2 peysur, einn bol og einar buxur. Þurfti bara að bæta 1000 kr við! Ég var mjög sátt! (0;

En já, ég er semsagt ennþá í sumarfríi á daginn allavega og er voðalega löt, ennþá! Tók að vísu til í fataskápnum í dag, þá er "bara" geymslan eftir ásamt öllu öðru smotteríinu sem ég á eftir að gera.... Æ, þetta reeeeddast!

Þangað til seinna, farið vel með ykkur!

2005-08-16T20:08:00.000Z

Helló again!

Mikið rosalega finnst mér gaman þegar það er verið að framkvæma eitthvað á heimilinu mínu! Þó að það sé bara verið að hengja upp hillu eða e-ð. Þessa dagana hafa Jón Helgi og pabbi hans verið að flísaleggja í eldhúsinu, á milli í eldhúsinnréttingunni. Við keyptum þessar fínu flísar í Miðstöðinni í Vestmannaeyjum og þetta kemur ekkert smá vel út! Þvílíkur munur. Þeir félagarnir eru að leggja lokahönd á verkið í þessum töluðu orðum!

Ég held að ég myndi hreinlega ekki lifa þetta sumarfrí af án hennar Monzu minnar! Mér myndi hreinlega hundleiðast, það munar þvílíkt að hafa hana hjá sér þegar maður er að horfa á sjónvarpið eða e-ð. (sumir halda örugglega núna að ég sé rugluð en þetta er satt!) Svo er ég þvílíkt fegin að ég er að vinna eina og eina vakt í sjoppunni því að mér myndi hundleiðast ef að allir dagarnir yrðu eins og í dag þó að það sé ágætt inn á mili að vera ekki með stíft prógram! Mig langar rosalega að gera alveg fullt en ég nenni því ekki, hugsa bara að það sé nægur tími framundan eða þá ég hugsa að maður sé nú ekki svo oft í sumarfríi að maður megi ekki njóta þess... Ég ætla til dæmis að gera þessa tíbísku hluti sem fólk gerir í sumarfríum eins og að taka til í fataskápnum og geymslunni, og ég hlakka voða mikið til þegar ég loksins nenni að gera það.Vona bara að það verði áður en ég byrja í skólanum. (0;

Ég var að hugsa það í dag að ég hlakka alveg rosalega til að byrja ískólanum... ég var eilega bara að fatta það... ég er búin að vera svolítið kvíðin.

Ég ætla að enda þetta blogg á því að óska honum Auðunni á Leifsstöðum (svitinni minni) innilega til hamingju með afmlið í dag, hann er fimmtugur kallinn, ótrúlegt en satt. Ég trúði ekki henni Eydísi frænku minni þegar hún sagði mér að hann væri að verða fimmtugur! Hann lítur út fyrir að vera mikið yngri! En allavega TIL HAMINGJU MEÐ AFMÆLIÐ!!!!!!

Bless í bili!!

Sumarfrí

2005-08-15T14:58:00.000Z

Sælinú!!
Það hefur ýmislegt gerst og breyst síðan ég skrifaði hér inn síðast... Ég er til dæmis hætt að vinna á leikskólanum, sem er ágætt að vissu leiti en ekki svo gott að öðru; ég sakna barnanna! Þau eru sum svo æðisleg! Að vísu hættu rosalega mörg börn um leið og ég. Það voru börn sem ég var búin að vera að passa í tæp 2 ár og sum voru bara eins og börnin manns! Svo sakna ég nottla líka Beggu, deildarstjórans míns sem er alger snilld!! Hún er svo skemmtileg! Og nottla sakna ég alla hinna sem ég var að vinna með. En nóg um það, sumir eru kannski að velta því fyrir sér hvað ég sé að fara að gera fyrst ég er hætt að passa þessi börn... ég er nebbla að fara í skóla!! Sjibbí! Er að fara í hjúkrunarfræði í háskólanum og byrjar hann 31. ágúst!! Ég hlakka mikið til! Er búin að vera að kanna hvaða bækur ég þarf að kaupa og svona. Ætlaði líka að vera voða dugleg að rifja upp líffærafræðina úr FÍV en hef einhvernvegin ekki komist í það ennþá, þrátt fyrir að vera í sumarfríi þessa dagana, en ekki öll kvöld að vísu... er að vinna í GRILLHÖLLINNI eitt og eitt kvöld sem er ágætt!

Hmmm... það sem hefur líka breyst á undanförnum mánuðum er að það hefur fjölgað á heimilinu! Við erum búin að eignast kött!! Hún heiti MONZA og er alger snúlla! Hún er 5 mánaða óþekktarormur (allavega þessa dagana) en hún er nebbla bara inniköttur. Við erum nottla á 3. hæð í blokk svo að við höfum hana inni til að mega hafa hana. Svo var hún líka inniköttur á gamla heimilinu sínu þannig að hún kann ekkert að vera úti. Þetta er eilega í fyrsta skipti sem ég á kött, fyrir utan kött sem ég átti í Áshamrinum sem pissaði útum allt og varð því að lóga áður en ég náði að kynnast honum, þannig að ég/við kunnum þetta ekkert. Ég setti bara vel af mat í dallinn og e-ð en svo tók ég eftir því eftir eina viku að kötturinn var búinn að fitna!!! Ég var svo aldeilis hissa! Ég hélt bara að þetta væru hógværðar dýr sem kynnu sitt magamá, en svo er aldeilis ekki!!! Þau bara éta og éta! hehe... Nú fer mín bara í aðhald! Hugsið ykkur köttur í megrun!!

Ég ætla að láta þetta nægja í bili, ég stefni á að skrifa aftur á morgun, það er á stefnuskránni!

adíós í bili

2005-05-01T21:25:00.000Z

Húrra fyrir mér!!! Mér tókst að blogga ekkert í apríl!! Ég þurfti alveg þvílíkt að halda aftur af mér!! (aha...)

Jæja, annars er nú bara allt gott að frétta... allavega á flestum sviðum. Ég er enn á leikskólanum, þó svo að með réttu hefði síðasti dagurinn minn átt að vera á föstudaginn en ég ætla bara að vera þarna fram að sumarfríi, eða það er 15. júlí. En ég er ekki enn komin með vinnu... er svo sem ekkert að stressa mig á því. Hef sumarfríið mitt í að arisera því. Ég hef svo sem ekki mikið annað að gera þá daga en bara að brasa í þessu. Við ætlum bara á ÞJÓÐHÁTÍÐ og svo bara að dandalast í Eyjum í nokkra daga. svo ætlum við að vísu að mála íbúðina okkar og bara brasa eitthvað hérna heima. Það er svo gaman.

En já, mig langaði líka til að óska þeim sem eru í prófum bara alls hins besta. Ég hugsa mikið til ykkar. (vonandi eru hugsanir mínar ekki að ásækja ykkur!! hehe)

Oft þegar ég er að keyra, eða er að vinna, eða er úti með börnin á laikskólanum, þá man ég alltaf eftir einhverju til að blogga. Mam eftir einhverju skemmtilegu til að segja frá eða e-ð, en svo þegar ég sest fyrir framan tölvuna þá fæ ég einhverja ritstíflu...

hugs...
hugs...
hugs...

Æi, man ekki neitt í augnablikinu... Ég ætla bara að fara að horfa á Friends. Við erum nebbla með möppuna frá Magga og Fjólu sem er með fyrstu 9 seríunum af Friends á DVD!! Geggjað!

Ég bara bið að heilsa þangað til næst! ;0)

2005-03-23T15:27:00.000Z

Jæja félagar. Þá er komið að því; PÁSKAFRÍ!!!! Ég meira að segja fékk að hætta fyrr í vinnunni í dag til að undirbúa ferðalagið! Við erum að fara til Eyja á eftir með Herjófi og aldrei þess líku vant þá hlakkar mig til að fara með dallinum... að vísu er ég eitthvað að stressa mig af því að mér finnst eitthvað svo mikið rok... en það reddast.

Allavega, ýmislegt hefur gerst síðan ég bloggaði síðast. Óðinn og Steinunn eignuðust dreng þann 20. mars, Hildur Vala varð IDOL - stjarna íslands sem ég er by the way MJÖG ánægð með. Heyrði einmitt hennar útgáfu af "líf" í morgun og það er alveg geggjað. Mikið flottara en hjá Stebba. Var einmitt að hlusta á það áðan og bara slökkti. Fannst það ekki eins flott.

Jæja, ég verð að fara að halda áfram. Ég sit hérna með viskustykkið á öxlinni, er í miðjum klíðum að gera hreint áður en við förum. Á líka eftir að fara í páskabaðið og pakka niður! (;

Gleðilega páska allir!!!!!

2005-02-12T15:38:00.000Z

Jæja, ég hef bara aldrei vitað annað eins! Ég fór á handboltaleik áðan, ÍR-IBV, allt í lagið með það. Ég var þvílíkt farin að hlakka til, fullt af Vestmannaeyingum á leiðinni úr Eyjum spes til að koma á leikinn og e-ð. Svo byrjaði leikurinn og við sáum fljótlega að ekki var allt með felldu. Það voru 9 á móti 7!! Ég er viss um að dómararnir voru í ÍR treyju undir dómarabúningnum! IBV byrjuðu leikinn mjög vel og náðu alveg að halda í við Ír-ingana þrátt fyrir að dómararnir voru að dæma soldið með þeim, við vorum ekkert mikið undir í hálfleik en menn voru farnir að æsa sig soldið rétt fyrir hálfleik. Svo héldu menn að þetta myndi nú kannski lagast, að dómararnir sæju það að þeir kæmust ekki upp með þetta rugl, að það sæju allir í gegnum þetta. En nei, aldeilis ekki!! Bullið hélt áfram og það komu "dómaramistök" í hverri sókn! Ég er svona manneskja sem æsir sig aldrei á leik, klappa bara með þegar er verið að hvetja og svona en er ekkert mikið að öskra eða neitt... (tuða stundum í þeim sem situr við hliðina á mér og e-ð) en áðan þá varð ég brjáluð!!! Ég öskraði og gargaði á leikmenn og dómara og þegar stuðningsmenn IBV löbbuðu út, 12 mínútum fyrir leikslok nota bene, þá var mín bara hás takk fyrir. Menn sem ekki eru vanir að æsa sig voru rauðir í framan af reiði! Stúkan tæmdist bara, 80% stuðningsmanna IBV löbbuðu út þegar Roland Eratze fékk rauða spjaldið fyrir að sparka í boltann, vanalega hafa menn fengið 2 mínútur en af því að hann var i liði IBV fékk hann rauða spjaldið. Meira að segja bæjarstjórinn og aðrir í IBV handboltaráði löbbuðu út!! Ég titraði inn í mér og ég hef aldrei orðið svona reið, og þá er ég ekki bara að tala um á íþróttakappleikjum heldur bara almennt! Það þyrfti bara í alvöru að fá erlenda dómara til að dæma í svona leikjum ef íslenskir dómarar treysta sér ekki til þess án þess að vera hlutdrægir. Maður er að borga sig 1000 kr inn á völlinn og dómaranrir eru að fá sinn skerf af því og þá vill maður sjá sanngjarna dómgæslu! Maður er samt eitthvað svo valdalaus, hvað er hægt að gera? Það sjá þetta allir (nema að sjálfsögðu ÍR ingarnir sem klöppuðu þegar við löbbuðum út!) sem horfa á þennan leik að dómararnir eru hlutdrægir. Dæma víti á okkur en ekki á þá þegar þeir gera alveg eins, þeir máttu taka eins mörg skref og þeir vildu, við fengum 2 mínútur en en þeir ekki neitt við sama brot! Ég er bara brjáluð!!

2005-02-09T19:22:00.000Z

Jæja, vitiði hvað??!! Sjoppan "mín" og Eyglóar var rænd á mánudaginn var!! Kom bara gæi með hamar vildi peningana!!! Hvað er að gerast hérna! Aldrei hefði mér dottið þetta í hug. Sem betur fer var ég ekki að vinna. En fór í vinnu kvöldið eftir, og ég get sagt ykkur það að þegar vaktin byrjaði þá lágu allir karlmenn undir grun sem komu og versluðu þarna! Alveg fáránlegt. Ræninginn hafði nú alls ekki mikið upp úr krafsinu því auðvitað eru allir með kort nú til dags og bara rétt rúmlega skiptimyntin í kassanum! Greyið... eða kannski ekki greyið. Hann hefur örugglega skuldað tífalt meira en það sem hann fékk uppúr þessu. Mar veit samt eilega ekki hvort maður getur vorkennt svona gæjum...

En hvað er að frétta af snjókomunni; HALLÓ!!! Ég er ekki alveg að fíla þetta... að vísu gaman að fara með krakkana út að renna í vinnunni. Sem minnir mig á það að ég er enn að vinna á leikskólanum, er ekki búin að fá neitt annað. Er kannski ekki nógu dugleg að leita, ég er hreinlega ekki nógu mikið í tölvunni... (Eins og þið lesendur mínir hafið væntanlega orðið vör við!!) En ef þið eruð að velta fyrir ykkur hvað það er sem ég er að leitast eftir, þá langar mig að prufa e-ð alveg nýtt, vinna í banka, sjúkrahúsi (þar sem ég er nú að spá í að verða Hjúkrunarfræðingur, þá er ekki verra að fá vinnu þar sem maður gæti kynnst starfi þeirra betur), tilraunastofu... eða bara e-ð alveg nýtt. Langar ekki að fara að afgreiða í búð, eða vinna á öðrum leikskóla eða neitt sem ég hef gert. Svo langar mig líka bara að fá betri laun. Gæti alveg hugsað mér að vinna lengur á leikskólanum ef ég fengi betur borgað. Er jafnvel að hugsa hvort ég ætti ekki bara að klára sumarið, og hætta svo í haust... kannski meiri líkur á að fá vinnu þá, fyrir utan það að það er SNILLD að vera að vinna á leikskóla á sumrin OG ég á inni 24 virka daga í sumarfrí!! Það eru rétt tæpar 5VIKUR!! Gæti nottla líka notað það til að leita mér að vinnu, og þá kannski bara mætt á staðinn og sótt um í staðin fyrir að senda alltaf bara umsókn á netinu. Gæti trúað að það virkaði betur að mæta bara á staðinn. Það er að vísu ekkert auðvelt. Er búin að fara í 1 starfsviðtal, og það var bara þokkalega erfitt!

Jæja, það nennir ábyggilega enginn að lesa þetta þegar þetta er svona langt!!
Bið að heilsa í bili.... veit ekki hvað þetta bil verður langt !! (hehe)

2005-01-13T19:42:00.000Z

Vitiði, að ég er ekki að átta mig á einu. Ég er að vinna með manni sem heitir Gunnar, og svo þekki ég annan Gunnar, og þeir eru alveg eins!! Finnst ykkur þetta ekki skrýtið?? Mér finnst það allavega. Þeir eru með sömu taktana, báðir svona bangsalegir og brandararnir MJÖG líkir! Og meira að segja er röddin þeirra ekkert ósvipuð! Þetta er bara svolítið skrýtið...

En allavega þá hefur margt gerst síðan ég bloggaði síðast...
...Það er komið nýtt ár, til hamingju með það allir!!
...ég er búin að segja upp á leikskólanum...

Ritstífla, ritstífla....

2004-12-31T16:32:00.000Z

Hæhó!!
Jæja, maður er kominn í Paradísina sína; Vestmannaeyjar. Ég er hér í afslöppun og kem ekki til baka til Reykjavíkur fyrr en á mánudag! Agalega notalegt e-ð. En Jæja, ég er í EXTRA-SLOW tölvunni hennar mömmu þannig að allt tekur sinn tíma hérna, ótrúlegt hvað maður er óþolinmóður þegar kemur að tölvum! Ég bíð spennt eftir kvöldinu, hlakka ekkert smá til að fara í mitt fínasta púss með uppsett hár og allar græjur á skemmtilegasta ball ársins; áramótaballið!!! Ég ætla að nota tækifærið og óska þeim, sem ekki voru búnir að afskrifa mig sem bloggara og kíkið á síðuna mína reglulega, gleðilegs árs og takk fyrir það gamla!! Vonum að næst ár verði gott og hamingjuríkt hjá ykkur öllum! (Ég vona að það sé enginn að æla núna!)

Góða skemmtun í kvöld, þeir sem eru að fara út á lífið!

2004-12-02T09:50:00.000Z

Vildi bara láta ykkur lesendur vita af því að nú er tölvan mín í tímabundnu veikindaleyfi og ég veit ekki hvenær hún verður til í slaginn aftur. Annars bara gleðilega aðventu!!!

Bragðarefur í augað!!

2004-11-22T21:01:00.000Z

Jámm, ég hef afrekað ýmislegt en hefði þó aldrei dottið í hug að ég gæti átt von á því einhverntíman að fá BRAGÐAREF í augað!! Rétt upp hend sem hafa lent í því!! Gæti reyndar trúað Eygló til að rétta upp hönd en veit það samt ekki. Endilega látið mig vita ef þetta hefur komið fyrir ykkur því þá líður mér betur að vita að ég sé ekki sú eina.

En allavega, þá er ég komin með svakalega samæriskenningu í kollinn... og það er að umferðarljósanefnd sé í samráði við olíufélögin. Ég held að það hljóti að vera því að maður er ALLTAF á rauðu ljósi, og þar af leiðandi er maður alltaf að taka af stað og það tekur nú slatta af bensíni, tala nú ekki um ef maður er í miklum halla upp á við. Það skiptir engu máli á hvaða hraða maður er á eða neitt. alveg sama hvað maður keyrir allt á 60 eða e-ð... Ég held að það sé ekki spurning um þetta. Pottþétt samsæri!

En yfir í aðra sálma (þú ert nú ánægður með það Gunni er það ekki, ha? Sálma!!!), það er vinavika í gangi í vinnunni. Alger snilld. Öfga svona þægileg tilbreyting, spennandi að mæta í vinnuna á hverjum degi. Og ólíkt mér þá er vikan plönuð hvað varðar minn leynivin, búið að versla allt og svona. Allt klappað og klárt. Ég fékk einmitt glaðning í morgun, fékk lítinn, öfga sætan óróa og orðsendingu á blaði, voða spennó! Leynivinurinn minntist á það í orðsendingunni að ég hefði ætlað að föndra jólakort um helgina... þannig að þetta er e-r sem ég spjalla soldið við því ég sagði ekki mörgum að ég ætlaði að gera það. En ég get með engu móti munað hverjum ég sagi það... en jæja, þetta er gott í bili. Ætla að fara að ganga frá gjöfinni fyrir morgundaginn og hinn daginn því ég er að vinna annað kvöld!

2004-11-08T21:00:00.000Z

Lottópotturinn er ekki enn genginn út þannig að ég er ekki enn orðin milljónamæringur! Ég bíð bara spennt!

Ég er með eina góða sögu af leikskólanum, frekar skondna! Það var þannig að við vorum á leiðinn út og einn strákurinn dettur,en er snöggur að standa upp. Svo stendur hann kyrr í smá stund og er eitthvað að velta fyrir sér hvort hann eigi að fara að gráta eða ekki svo ég var eitthvað að hughreystahann og þá segir ein lítil stelpa sem er alveg að verða 4ra ára: "Já, bíttu bara í axlirnar!" Ég get svarið það að ég vissi ekki hvernig ég átti að vera!!!

Ef það er eitthvað sem mig langar að gera fyrir þessi jól, þá er það að fara í helgarferð til London eða Glasgow eða Dublin eða eitthvað og versla. Ég er búin að hugsa mikið um þetta!!!

Við skötuhjúin vorum að versla um helgina og keyptum skenk í rúmfatalegernum. Svo komum við spennt heim og hringdum í Gísla tengdó og hann kom með frúnna og hjálpaði Jóni Helga að setja græjuna saman. Og er það ekki tíbískt að það sé eitthvað bilað?? Það var ekki hægt að setja eina skúffuna saman, og klukkan orðin svo margt að það var ekki hægt að bruna niðreftir að fá nýja skúffu! Þetta var líka sona þegar við keyptum stofuborðið, þá var ein spýtan brotin!

Jæja, lifið heil þangað til næst!

HJÁLP!!!!!!

2004-10-25T21:05:00.000Z

Ég held að ég sé með peninga á heilanum!! Það er hræðilegt! Hvað get ég gert?? ég bara hætti ekki að hugsa um hvað mig langar í, hvað ég þarf að gera, hvað mig vantar og allt svona, og ég kem aldrei til með að geta gert þetta allt saman!! Ég held líka að ég sé í lífsgæðakapphlaupi við sjálfa mig, er það hægt?? Ég skil hvorki upp né niður í þessu! En allavega, þetta ofsækir huga minn og ég losna ekki við það! Ef einhver er með einhver ráð, þá endilega hafið samband!! Ég held meira að segja að ég sé svo mikið með þetta á heilanum að mig dreymdi skít í alla nótt! Allar beljurnar í sveitinni voru með niðurgang og við óðum skít upp á miðja kálfa út á túni! HALLÓ!!

En allavega, þá er ég farin að velta JÓLUNUM fyrir mér er ekki ólunum eins og ég skrifaði í gær!

Jólin...

2004-10-24T20:37:00.000Z

Jæja, ég er alveg ótrúlega mikið farin að velta ólunum fyrir mér. Hvort sem þið trúið því eða ekki. Ég er búin að ákveða hvar ég verð og hvenær, verð í Reykjavík á jólunum sjálfum en í Eyjum yfir áramót. Svo er ég að spá sko, tengdó er alltaf með ís eða ístertu í eftirrétt á jólunum, en amma er alltaf með ananasfrómas, það verður skrýtið að fá ekki svoleiðis núna fyrr en á gamlárskvöld... Nema ég búi mér til sjálf. Þetta verða örugglega skrýtin jól, örugglega allt öðruvísi en ég hef vanist. Hmm... svo er ég búin að skrifa niður jólagjafalistann, jólakortalistann og er að velta því fyrir mér hvað það er sem maður þarf að kaupa inná heimilið á jólunum, hef aldrei spáð í því áður. Jólagardínur, konfekt, allskyns jólakraut og eitthvað. Já, kannski er ég bara að tapa mér, ég veit það ekki...

Það er nú ekki oft þannig að bíóferð endi með djammi í bænum er það? Ég og Elfa og Marta fórum á Shall we Dance í gær í Háskólabíó og eftir myndina fór Marta bara heim því hún kom á hjóli, og ég ætlaði bara að skutla Elfu heim, nema við komumst bara í e-ð geggjað stuð og ákveðum skyndilega að fara aðeins heim til hennar og ég fékk lánaðan bol og gloss og hún fór líka í annan bol og eitthvað. Svo var ferðinni heitið niður í bæ... Við enduðum loksins á Hverfis eftir klukkutíma biðröð (hvað er að manni að nenna að bíða!!!??) og tjúttuðum aðeins þar en vorum svo komnar heim um 3:30 í nótt. Alveg ágætt því ég átti að mæta í vinnu kl. 11:00 í morgun og vera til 18:00. Sem betur fer var ég bara vel stemmd þegar ég vaknaði og var bara hress í vinnunni. Það er bara gaman að því þegar mar fer svona óvænt að djamma. Þetta var sko óvænt.

2004-10-18T20:11:00.000Z

Hæhó! Ég var að hlusta á fréttir áðan og það var verið að segja frá því að e-r Jónas, sem tengist líkfundarmálinu á Neskaupstað, játar að hafa átt þátt í innfluttningi fíkniefna í iðrum útlendingssins, en hann neitar að hafa vitað af því að gæinn var að drepast á heimili hjá öðrum viðriðnum málið, þrátt fyrir að hafa verið tíður gestur á því heimili á meðan líf mannsins var að fjara út (tók ekki nema 5 daga en ekki kom efnið út). Hann neitar líka að hafa vitað af líkinu í skottinu á bílnum sem hann keyrði austur á Neskaupsstað og segist sennilega bara hafa verið úti í göngu þegar vinir hans voru að dömpa líkinu í höfnina!!!! bara í göngu?? Je ræt! Ekki er ég alveg til í að kaupa það, og ekki heldur það að hann hafi keyrt jeppa alla leið frá Reykjavík til Neskaupsstaðar með eitthvað ferlíki afturí og búið að leggja aftursætin niður og allar græjur, án þess að vita eða velta því fyrir sér hvað væri þarna afturí!!

En allavega, í dag er vitlaust veður. Veturinn sennilega kominn fyrir fullt og allt. Esjan hvít og læti. Akkúrat svona veður þar sem maður er ánægður að vera komin heim eftir vinnudaginn og vita það að maður þarf ekki að fara út aftur. Enda ætla ég að fara í heitt froðubað með kertaljós og rólega tónlist!! Ahhh.....

Skemmtilegar setningar!!

2004-10-13T22:35:00.000Z

Mér datt allt í einu í dag nokkrar setningar sem ég hef heyrt á leikskólanum sem ég er að vinna á og hér koma þær:
Í slökun eftir leikfimi og ég er að hvísla, þá segir einn strákur við mig: "Þú ert með alveg eins rödd og pabbi minn!!" Mjög skemmtilegt!! Svo var drekkutími og ég er að spyrja börnin hvað þau vilji ofan á brauð. Einn segir: "Mig langar í brauð með smjöri nema skinku!" og annar segir: "Smjör og ost með samloku!" Svo fórum við í strætó og erum eitthvað að tala um það þegar strætó stoppar á rauðu ljósi og þá segir ein stelpan: "Pabbi minn fór einu sinni yfir á rauðu ljósi en hann fór samt ekki í fangelsi!" Ohhh... Þau eru eitthvað svo glórulaus þessi grey!

Fríið

2004-10-09T09:35:00.000Z

Jæja, það er bara komin fríhelgi, ekkert smá notalegt. Ótrúlegt, að þegar maður á sína íbúð og er farinn að búa og e-ð sonna, þá finnst manni bara allt í einu gaman að taka til, þvo þvott, skipta á rúmi og allt sonna sem mamma manns þurfti næstum að múta manni til að gera fyrir ekki meira en 1 og 1/2 ári síðan. Merkilegur andskoti!! Mar hugsar til helgarinnar alveg, ahh... ég ætla að taka allt í gegn og gera allt fínt, SVO get ég slappað af. Einu sinni hefði mar fyrst slappað af og svo druslast til að taka af rúminu eða eitthvað.

Annars komu Eva, Pétur og Viktor Andri í heimsókn til okkar í gær og við borðuðum saman, horfðum á IDOL (Því við erum komin með stöð 2!!!!) og svínasúpuna og fórum svo að spila. Spiluðum bæði Friends spilið sem tók stuttan tíma en það er ágætt og svo Scrabble. Ég komst svo að því að ég veit ekki neitt um Friends... það var aðallega Pétur sem vissi e-ð þannig að strákarnir unnu. Svo fórum við í Scrabble og þá rústuðum við Eva þeim. Mjög fínt!

Jæja, ég ætla að fara að taka úr þvottavélinni og viðra sængur og svona skemmtileg heit!

2004-10-05T05:32:00.000Z

Ég get svarið það að ég hélt að skúrinn sem ég er að vinna í á leikskólanum myndi takast á loft í dag, ekki nóg með það að það hafi verið rok og sonna, þá er leikskólinn staðsettur efst uppi á Grafarholtinu takk fyrir. Illa staðsettur greyið.

Annars voða lítið að frétta...

Það var flautað á mig!!!!!!!

2004-10-02T09:02:00.000Z

Hvað er málið með þessa fermingar peyja? Ég var að vinna í sjoppunni á þriðjudagskvöldið síðasta og klukkan var orðin 22:00 þannig að ég var á bak við að þrífa grillið þegar ég heyri að það er flautað frammi. Ég vissi að Gróa væri frammi að afgreiða þannig að ég var ekkert að kippa mér upp við þetta. Svo var flautað aftur... og aftur þannig að ég kíkti fram. Þá voru einhverjir 2 13-14 ára guttar þarna frammi og svo ein kona að bíða eftir afgreiðslu því Gróa var að afgreiða í ísnum. Þannig að ég tek af mér gúmmíhanskana og fer fram að afgreiða. "Það var mikið að þú komst" hreytti peyinn útúr sér, "eina pepsí í dós!" fylgdi svo strax á eftir. Það alveg snöggfauk í mig. Hvað halda þeir eilega að maður sé? Svo meðan ég var að ná í pepsíið þá sagði Gróa við hann: "Fannst þér þetta ekki óþarfa dónaskapur?" hann svaraði því neitandi og maðurinn sem hún var að afgreiða þurfti að tína andlitið sitt í bútum upp af gólfinu hann var svo hissa á þessu! Ég var svo pirruð og e-ð en gat ekkert sagt... mér nottla datt ekkertí hug fyrr en eftirá!

En allavega, ég fór á uppistand með 5 Stelpum í gær á broadway, matur og alles og það var bara alveg geggjað. Fór með gellunum úr vinnunni og þegar uppistandið var búið var okkur boðið upp í aðalsalinn úr Ásbyrgi til að horfa á restina af afmælissýningu Ragga Bjarna og svo átti að vera ball á eftir. Ég komst nú reyndar aldrei að því með hverjum ballið átti að vera því kellunum lá svoá að fara að dansa svo að við tókum okkur sjö manna leigubíl niðrá Thorvaldssen og fórum að tjútta. Var komin heim rúmlega 3 í nótt. Jón Helgi var svo yndislegur að ná í mig og 3 aðrar niðrí bæ og skutla okkur heim með viðkomu á pylsubarnum á Select!!

2004-09-27T22:51:00.000Z

Nú er þetta hafið fyrir alvöru, bloggsíðan tilbúin (ööö... þökk sé Andra Húgó!!) og maður getur farið að tja sig á veraldarvefnum takk fyrir. Þetta verður sennilega e-ð stutt og snaggaralegt svona fyrst um sinn... held að ég sé ekki alveg búin að finna andann skiluru? En þetta kemur allt með kalda vatninu. Get kannski byrja á að segja einhverjar skemmtilegar sögur af leikskólanum eða eitthvað slíkt, það klikkar sjaldan! :)
Þangað til næst
Ciao

Jæja, þá er komið að því...

2004-09-27T02:50:00.000Z

Jæja, ég hef tekið stóra ákvörðun.. ég ætla að REYNA að blogga... Veit ekki alveg hvernig það á eftir að ganga en það sakar ekki að reyna. Ég held nebbla að mar þurfi ákveðna hæfileika og ég verð bara að vona að ég hafi þá, svo þarf maður nottla líka tíma, hann er stundum af skornum skammti en það má reyna að gera gott úr því!